Ака уйăхĕн 20-мĕшĕнчен пуçласа 25-мĕшĕччен Чăваш чĕлхи кунне халалласа пирĕн шкулта тĕрлĕ мероприятисем  палăртнăччĕ. Анчах инçет вĕренÿ (дистанционное обучение) çине куçнă май ĕçе урăхла йĕркелеме тиврĕ. Кашни шкул ачи килте пулнă май эпир республикăра иртекен тĕрлĕ акцисене хутшăнма тĕллев лартрăмăр. Акă тĕслĕхрен, ака уйăхĕн 24-мĕшĕнче Пĕтĕм чăваш диктантне хутшăнтăмăр. Шел пулин те, диктанта 7 çын кăна çырчĕ: Тимофеева Н.М., Лепёшкина В.Ф, Степанова И.М., Лепёшкина Татьяна, Лепешкина Диана, Осипова Юлия тата Салаев Даниил. Вĕсене тав сăмахĕ калас килет. Тавах сире, чăваш чунлă хастарсем.   Çавăн пекех эпир тепĕр икĕ акцие хутшăнма мехел çитертĕмĕр. Вĕренÿ институчĕ йĕркеленĕ «Эпĕ чăвашла калаçатăп» акцире 8-мĕш класра вĕренекен Хлебникова Евгения тата 3- мĕш класра вĕренекен Белкова Валерия хастар пулчĕç. Вĕсене  Интернетра нумайăшĕ курса килентĕр пулĕ. Тата «Хыпар» издательство çурчĕ йĕркеленĕ «Чăвашла вулатăп» акцире те хутшăнтăмăр. Республикăра ытти акцисем те иртеççĕ.

                      Ачасем, эсир малашне те çакăн пек мероприятисене хастар хутшăнасса шанас килет.